Ministri i Jashtëm grek i rikthehet çështje së detit me Shqipërinë: Dy vendet ende vijojnë konsultimet!

Ministri i Jashtëm grek, Nikos Denidas, i është rikthyer edhe njëherë çështjes së detit me Shqipërinë.

I pyetur në një intervistë të dhënë gjatë kësaj të shtune për gazetën “Parapolitika”, për ecurinë e bisedimeve me Shqipërinë, nënshkrimin e një peticioni të përbashkët, e për një apel në Gjykatën Ndërkombëtare të Drejtësisë në Hagë dhe sa afër janë dy vendet me marrëveshjen, ministri i Jashtëm Dendias tha:

“Marrëveshja politike për referimin e çështjes së delimitimit të Zonës Ekskluzive Ekonomike midis Greqisë dhe Shqipërisë në Gjykatën Ndërkombëtare të Drejtësisë në Hagë është arritur nga Tetori i kaluar. Përsa i përket çështjeve teknike, duhet hartuar dhe kërkesa përkatëse. Organet kompetente të të dy vendeve vijojnë konsultimet për hartimin e këtij teksti”.