Ministri i Mbrojtjes Pirro Vengu, thotë se industria ushtarake vendase, pajisja me mjete dhe sisteme me përdorim të dyfishtë civil dhe ushtarak si dhe kualifikimi i efektivëve në përdorimin e tyre, përbëjnë tre shtyllat kryesore të modernizimit të Forcave tona të Armatosura.
Gjatë vizitës së tij në Panairin Ndërkombëtar të Aviacionit “Paris Air Show”, Vengu theksoi ndër të tjera edhe se pati mundësinë të njohë nga afër teknologjitë më të fundit dhe mjetet e avancuara që prezantuan kompani prestigjioze ndërkombëtare, si Anduril Systems, Thales Group, Airbus, MBDA, EDGE Group, KNDS, Saab AB dhe Safran.
Ky event mbledh aktorët kryesorë në fushën e teknologjisë ushtarake dhe civile, dhe përbën një mundësi unike për Shqipërinë në procesin e modernizimit dhe zhvillimit të kapaciteteve të saj të mbrojtjes.
