Ministria e Drejtësisë, Bardhi: Pse i rritëm çmimet e shërbimeve të përmbarimit

Ministria e Drejtësisë sqaron arsyet e vendimit për rritjen tarifave të përmbarimit, duke saktësuar se vetëm 5 tarifa pësuan rritje. Një vendim i tillë sipas deklaratës për shtyp ka ardhur nga fakti i zbatimit të ligjit të ri, duke e bërë miratimin e udhëzimit të plotë.

Deklarata e plotë

Tarifat e reja pritet të nxisin ekzekutimin vullnetar të detyrimeve, duke zeruar në këtë mënyrë  kostot për   ekzekutimin   e   titujve   ekzekutiv   për   qytetarët   dhebizneset. Udhëzimet e reja kanë zgjeruar kategorinë e personave që përjashtohen nga pagesa e tarifës përmbarimore.

Zbatimi   i  udhëzimeve  të  reja  do  të   shoqërohen   me  një  kontroll  të  rreptë  të punës së përmbaruesve gjyqësorë, për të mbrojtur interesat e qytetarëve Ministria e Drejtësisë dhe Ministria e Financave kanë miratuar udhëzimet e reja për tarifat  përmbarimore,  bazuar  në   ndryshimet   me  konsensus  që  i   janë  bërë   Kodit  të Procedurës Civile dhe ligjit për përmbarimin gjyqësor privat dhe shtetëror në fund të vitit 2016.   Miratimi  i  këtyre  udhëzimeve  ishte  i   detyrueshëm,   për   shkak   të   afateve  që parashikonte ligji (1 muaj nga hyrja në fuqi e tij) dhe nevojës për të zbatuar rregullat e reja të tarifimit që parashikonin ndryshimet konsensuale në ligj.

Udhëzimet në fjalë kanë   qenë  një  praktikë  e mbartur  në  Ministrinë e Drejtësisë/Ministrinë e Financave dhe i janë nënshtruar një procesi të gjerë konsultimi, duke filluar nga muaji Janar 2017 e në vijim. Këto udhëzime janë nënshkruar për herë të parë në versionin e miratuar, nga Ministri i Drejtësisë më datë 13 Prill 2017. Krahasuar me tarifat e përcaktuara në vitin 2009, nga 9 nivele tarifimi, tre prej tyre kanë mbetur të pandryshuara apo janë ulur; 5 tarifa kanë pësuar rritje dhe 1 tarifë është reduktuar në vlerë kufiri.

Përcaktimi i nivelit të tarifave në Udhëzimin e ri, është bërë duke marrë në konsideratë ndryshimin e çmimeve të konsumit, të prodhimit apo të importit dhe janë kushtëzuar nga indeksimi i çmimeve të çdo elementi jetësor nga vitit 2009 deri më sot, si dhe janë përcaktuar duke mbajtur në konsideratë tarifat që përdorin edhe profesione të tjera të lira (Noteria). Ministria e Drejtësisë dhe Ministria e Financave, në përcaktimin e nivelit të tarifave, ka  kryer një analizë  të plotë dhe të detajuar financiare dhe profesionale të punës që kryen përmbaruesi, duke marrë në konsideratë elementët që parashikojnë

ndryshimet që  i  janë  bërë  ligjit, dhe  konkretisht vlerën dhe llojin  e  detyrimit,  si  dhe kompleksitetin e veprimit procedural përmbarimor. Tarifat e reja pritet të nxisin ekzekutimin vullnetar të detyrimeve, duke zeruar në këtë mënyrë kostot për ekzekutimin e titujve ekzekutiv për qytetarët dhe bizneset. Në çdo rast,  sipas   ligjit,   tarifat   përmbarimore   edhe  pse  parapaguhet  nga kreditori,   nuk  i ngarkohet këtij të fundit, por i vilet debitorit së bashku me detyrimin.

Në mbrojtje  të  interesave  të  grupeve  në  nevojë,  udhëzimet  e  reja kanë   zgjeruar kategorinë  e  personave  që  përjashtohen  nga  pagesa  e tarifës përmbarimore, duke çliruar nga detyrimi për të paguar të gjithë personat që janë   në kushtet e paaftësisë paguese, që trajtohen me ndihmë ekonomike apo që përfitojnë nga ligji për ndihmën juridike falas. Ministria e Drejtësisë siguron qytetarët se udhëzimet e reja do të  rrisin eficencën e shërbimit përmbarimor në ekzekutimin e titujve të ekzekutimit, si dhe do të shoqërohen me një kontroll të rreptë të punës së përmbaruesve gjyqësorë, për të shmangur  çdo abuzim me ligjin të kryer prej tyre, si dhe për t’i ardhur në ndihmë qytetarëve/biznesit në vjeljen e detyrimeve.