Ministrja Koçiu: Zgjerim të gamës së shërbimeve të përkujdesit shoqëror në çdo bashki

Qendra e përkujdesjes ditore për të moshuarit në Berat si dhe Qendra Polivalente për Shërbime të Përkujdesit Shoqëror në Poliçan, janë shndërruar në një shtëpi dhe familje për të moshuarit e vetmuar ku ju ofrohen të gjitha shërbimet socio-shëndetësore cilësore dhe me standarde, nga një staf i dedikuar për përkujdesjen e tyre.

Ministrja e Shëndetësisë dhe Mbrojtjes Sociale, Albana Koçiu së bashku me kryetarin e grupit parlamentar të Partisë Socialiste, Bledi Çuçi të Elbasanit, u takuan me gjyshërit në këto qendra në të cilat nuk mungojnë aktivitetet argëtuese e as ndërveprimi mes brezash.

“Jemi në shërbim 24 orë dhe stafi këtu, mjekët dhe infermierët janë në dispozicion dhe ju ndihmojnë duke ju ofruar shërbimet e përditshme”, tha ministrja Koçiu. Vet të moshuarit që shërbehen në këto qendra vlerësojnë shërbimin e ofruar. “Na qëndrojë ditë-natë te koka. I falenderojmë për përkushtimin”, shprehen ata.

Ministrja Koçiu siguroi se qeveria dhe MSHMS-së nëpërmjet Fondit Social do te vijojnë të mbështesin zgjerimin e gamës së shërbimeve të përkujdesit shoqëror në çdo bashki të vendit për ata që kanë më shumë nevojë çdo ditë për këto shërbime.