Mirënjohje ekipit të Urgjencës në QSUT, Manastirliu: Shpëtojnë jetë çdo ditë

Ministrja e Shëndetësisë Ogerta Manastrliu, solli në vëmendje sot punën e palodhur në drejtimin e një shërbimi aspak të lehtë, siç është ai shëndetësor i mjekëve dhe infermierëve në shërbimin e urgjencës së sëmundjeve të brendshme në QSUT, ku shpëtohen jetë çdo ditë.

Ministrja shprehu “mirënjohje për prof. Eqerem Hasanin dhe ekipin e mjekëve dhe infermierëve, për punën e palodhur në drejtimin e një shërbimi aspak të lehtë, ku trajtohen mbi 90 mijë pacientë në vit”.

Ajo theksoi se “shumë na mbetet ende për të bërë për të përmbushur pritshmëritë e të gjithëve, por pak kush e di punën dhe sakrificën e secilit prej mjekëve dhe infermierëve në shërbimin e urgjencës së sëmundjeve të brendshme në QSUT, ku shpëtohen jetë, çdo ditë”.