Mitropolia e Korçës indinjohet: Hajdutët e kishave, më parë lirohen se dënohen

Vjedhja e objekteve te kultit ne qarkun e Korçës eshte kthyer në nje fenomen te përhershëm.

Sipas At Ilia Kontamit Mitropolia e Korçës e ka dhënë me kohë alarmin për dhunimin e kishave në dioqezën e Korçës, por pavarësisht kësaj puna e policise nuk ka qenë në lartësine e duhur për zbardhjen e ngjarjeve dhe kapjen e autoreve.

"Vjedhje ka pasur në drejtim të arkave, të të ardhurave, ikonave, ikonostaseve. Kërkojmë si institucion, pasi ne paguajmë taksat tek shteti, që interesi nga ana e policisë të jetë më i madh në këtë drejtim. Nuk është e mirë të trazohen institucionet e kultit sepse janëpasuri e të gjithëpopullit. Edhe ndonjë që raportohet se është zënë më përpara ka dalë sesa të marrë procedimin e duhur”, tha ai.

Për At Kontamin dëmi i shkaktuar ne vjedhjen kishave është i pallogaritshëm. Përveç dëmit ekonomik, dëmi I madh është edhe ai shpirtëror.
pasi nje pjese e madhe e objekteve të vjedhura apo te demtuara jane dhurata nga besimtarët.

“Dëmet janë shpirtërore. Këtu gabojnë dhe gjykatat sepse vlerësojën në anë të dëmit ekonomik", shtoi ai.

Fenomeni i vjedhjes se kishave është i shtrirë në të gjithe qarkun, si Korçë, Devoll, Kolonje, Voskopojë dhe ne komunën e Pustecin ku vetem javën e fundit janë shënjestruar 3 kisha.