Mot i paqëndrueshëm dhe me vranësira, ja si parashikohet moti për sot

Këtë të diel, vendi ynë do të ndikohet nga kushte atmosferike relativisht të paqëndrueshme.

Moti parashikohet me vranësira mesatare deri të dendura, si edhe kthjellime të herëpashershme.

Reshje shiu të herëpashershme, kryesisht me karakter lokal, priten në pjesën e parë të ditës. Ndërsa nga orët e mesditës dhe pasdites, reshjet me intensitet të ulët do të përfshijnë pjesën më të madhe të vendit. Në mënyrë të lokalizuar, përgjatë relieveve malore në jug të territorit, priten edhe shtrëngata afatshkurtra.

Reshjet e herëpashershme të shiut, kryesisht lokale, do të mbeten prezente edhe në zonat malore të veriut.

Era do të fryjë me drejtim veriperëndim – jugperëndim, me shpejtësi mesatare rreth 7 m/s.

Në detin Adriatik dhe Jon, valëzimi parashikohet i forcës 1-2 ballë.