Moti i keq edhe në Mat, shembet banesa e të moshuarës

Reshjet e fundit kanë shkaktuar probleme dhe në rrethin e Matit. Shtabet e emergjencave civile në bashkitë Mat e Klos raportuan për rënie gurësh në rrugët nacionale Burrel-Milot dhe Rrugën e Arbërit. Edhe në rrugët rurale janë krijuar probleme, rrëshqitje, rrëke, gropa etj. Mësohet se në fshatin Gërman, të Njësisë Administrative Komsi, është shembur banesa e të moshuarës Ruspi. Shtabet e Mbrojtjes Civile ndodhen në terren për monitorimin e situatës dhe dhënien e ndihmës për çdo rast.