Moti i keq, zv/kryeministrja Balluku: Ndërprerje të energjisë në disa qarqe, skuadrat tona në terren

Moti i keq ka përfshirë të gjithë vendin. Zv/kryeministrja Belinda Balluku gjatë inspektimit të drejtorisë rajonale të shërbimeve të transportit Rrugor në Mat, tha se në disa qytete ka shkëputje të energjisë elektrike për shkak të erës së fortë ndërsa skuadrtat e OSHEE dhe të ARRSH tashmë janë në terren.

Balluku u kërkoi drejtuesve të mjeteve që të bëjnë kujdes në qarkullimNë Vlorë era e fortë ka shkaktuar dallgë që shkojnë deri në 8 ballë duke pezulluar lundrimet e trageteve e anijeve të vogla.

Ndërkohë në zonat malore kanë nisur reshjet intensive të borës. Autoriteti Rrugor bën me dije se në aksin Bogë – Qafë Thore, vijojnë reshjet e dëborës me intensitet ndërsa mjetet borëpastruese po punojnë për pastrimin e rrugës dhe shpërndarjen e kripës.