Motivacioni zyrtar i shkarkimit të Manjanit

Në shkresën e firmosur nga Rama është bashkëngjitur edhe motivacioni zyrtar i shkarkimit të Ylli Manjanit nga posti i Ministrit të Drejtësisë.

“Në funksion të përmirësimit të mëtejshëm të cilësisë së bashkëqeverisjes dhe të koordinimit sa më të mirë të punës me Kuvendin, aktorët e tjerë shoqërore e grupet e interesit, për çuarjen përpara të Reformës në Drejtësi, kam gjykuar të nevojshëm lirimin e Ministrit Manjani dhe zëvendësimin e tij me Ministrin Vasili”, thuhet në shkresë.

Manjani mori postin e ministrit të Drejtësisë në fund të vitit 2015, pas largimit të Nasip Naços.