”Motra e Italisë nuk të fal”, Rama mesazh nga Roma para diskutimeve për projektet

Kryeministri Edi Rama ka ndarë një mesazh nga Roma, ku ndodhet për takime me rëndësi, njëra prej tyre me kryeministrin e vendit fqinj, Meloni. Vetë kreu i qeverisë ka theksuar seriozitetin dhe përgatitjen që kërkon bashkëpunimi me Italinë.

Në një postim të tij, Rama u shpreh: ”Romë, duke përsëritur mësimet përpara takimit, se motra e Italisë nuk të fal me njohuritë që ka për çdo projekt”. Vizita e Ramës në Romë vjen në një kohë kur marrëdhëniet dypalëshe janë në fokus, sidomos në fushat e ekonomisë, infrastrukturës dhe energjisë.

Takimet pritet të përqendrohen në forcimin e partneritetit strategjik dhe avancimin e projekteve konkrete që lidhen me zhvillimin rajonal dhe integrimin europian të Shqipërisë.