Muharremi: Kostot në Shqipëri për menaxhimin e mbetjeve janë të ulëta më krahasim me vendet e BE

Këshilltari bashkiak i PS, Alfred Muharremi thotë se kostot të cilat janë në Shqipëri në lidhje me menaxhimin e mbetjeve janë të ulëta në krahasim me vendet e BE.

”Një nga kapitujt më të rëndësishëm të cilët janë hapur, pra se ne kemi hapur të gjithë grup kapitujt lidhet edhe me mjedisin. Pra shumë i rëndësishën. Dhe nga direktivat e BE ne duhet të përshtatemi edhe në procedurat dhe në funksionimin apo më saktë menaxhimin qoftë edhe të kostove por qoftë edhe të mirëorganizimit të kësaj nisme në këtë rast siç është pastrimi.

Ne e dimë shumë mirë që pastrimi është një problem jo vetëm në Shqipëri por është problem thuajse në të gjithë botën. Madje për mendimin tim kostot të cilat janë në Shqipëri në lidhje me menaxhimin e mbetjeve mendoj se janë të ulëta në krahasim me vendet e BE apo qoftë edhe vendet e rajonit. Unë jam shumë dakord që ka pasur një problem në menaxhim dhe në funksionim. Duhet të dimë që shqiptarët apo taksapaguesit paguajnë vetëm kosto në lidhje vetëm me transportin”.