Muxhahedinët, imami Hysa: S’i duam 2 mijë spiunët iranianë

Një prej imamëve të vetëshpallur, Bujar Hysa i cili akuzohet  për rekrutim të personave për të luftuar në Siri, ka dalë kundër pranimit të muxhahedinëve iranianë.

Kështu, në seancën e sotme gjyqësore, Bujar Hysa tha se “nuk i mbështesim 2 mijët spiunë iraniane që do të vijnë në Shqipëri”.

Gjatë seancës së sotme gjyqësore të imamëve, pati tensione në lidhje me përgjimet e tyre per rekrutim.

Në përgjimet e akuzës janë përfshirë shtetasit Bujar Hysa, Edmond Balla dhe Fadil Myslimani. Gjatë tyre, të pandehurit dëgjohen teksa shprehin mbështetjen për shqiptarët që luftojnë në Siri.