Koronavirusi i ka marrë jetën mjekut të njohur Muharrem Nonaj në moshën 77 vjeçare.
Koronavirusi i ka marrë jetën mjekut të njohur Muharrem Nonaj. Doktor Muharremi është babai i mjekut Blenard Nonaj, i cili është gjithashtu kandidat i LSI për qarkun e Beratit në zgjedhjet e 25 prillit.
“Të nderuar miq dhe të afërm. Me hidhërim të thellë ju njoftoj se babai im, dr. Muharrem Nonaj ndërroi jetë, duke mos e fituar dot betejën me Covid-19”, shkruan mjeku në postimin e tij në rrjetet sociale, ku jep lajmin e hidhur.
“Doktor Muharremi, do të mbahet mend nga të gjithë ne, për devotshmërinë dhe përkushtimin me të cilin i shërbeu banorëve të Skraparit”, shkruajnë miqtë në rrjetet sociale.
Muharrem Nonaj është një nga emrat më të rëndësishëm të mjekësisë në Berat dhe Skrapar.