Ndryshimet në ligjin zgjedhor, Dalipi: Mos kufizoni rolin e Këshillave Bashkiakë

Ndryshimet në ligjin zgjedhor duket se po shqetësojnë jo pak këshilltarët e Bashkive.

Thirrja për të mos kufizuar të drejtat e këshilltarëve bashkiakë ka ardhur nga kreu Këshillit të Bashkisë së kryeqytetit Aldrin Dalipi.

Sipas tij, vendimarrja për qytetet, nuk duhet lënë vetëm në duart e kryetarit të Bashkisë.

“Më lejoni që dhe në emrin tuaj tu bëj thirrjeve ligjvënësve në parlament, të cilët tani po bëjnë ndryshimet për qeverisjen vendore me ndarjen e re administrative, të kenë kujdes me rolin e Këshillave Bashkiakë. Sepse të dhënat janë që roli i Këshillave Bashkiakë do të vijë duke u zvogëluar.

Duke marrë shembullin e Këshillit Bashkiak të Tiranës, një Këshill model që në dy vitet e fundit ka miratuar dy buxhete të kryetarit të Bashkisë pavarësisht se ka kundërshtarë politikë, duke marrë shembullin e projektvendimeve që kanë ardhur dhe janë gjykuar me shumë ftohtësi.

I bëj thirrje ligjvënësve që Këshillave Bashkiakë në territor ti japin rolin që i takon, mos ti lënë në duart e një njeriu vendimet”, raporton ora news.

Dalipi, iu referuar edhe rastit të fundit, ku ndërhyrja e Këshillit Bashkiak të Tiranës çoi në shtyrjen e dhënies me koncesion të parkingjeve të kryeqytetit. Në këtë pikë të majët në Këshill, i kërkuan nënkryetarit të Bashkisë, Enno Bozdo, të kërkonte ndjesë.

“ Doja të shfrytëzoja rastin këtu, meqë kam këtu dhe nënkryetarin e Bashkisë, akoma nuk kam dëgjuar nga nënkryetari i Bashkisë një falje publike në pozicionin e nënkryetarit të Bashkisë për atë projektvendim, megjithatë falenderoj kryetarin e Bashkisë që tha që jam tërhequr nga ky projektvendim për një periudhë 5-vjeçare meqë nuk kam dëgjuar zërin e qytetarëve. Ndërkohë që meqë kam dhe nënkryetarin këtu mund të na thotë dhe ti kërkojë një falje publike qytetarëve të Tiranës për atë vendim”.

Mbledhja e radhës e Këshillit Bashkiak do mbahet në 6 mars, ku pritet të ndahen edhe banesat sociale.