”Në lule të rinisë”, art e terapi në burgun e të miturve në Kavajë

Art, kulturë dhe spektakël. Rubrika “Ciceron”, ju njeh me aktivitetet që mund të ndiqni sot dhe nesër në Tiranë dhe disa qytete të vendit.

1.“NË LULE TË RINISË”, ART E TERAPI NË BURGUN E TË MITURVE

“Në lule të rinisë…”, një projekt artistik dhe terapeutik i zhvilluar me të rinjtë në institucionin e të miturve në Kavajë, i cili eksploron identitetin, imazhin e vetes dhe nevojën për t’u parë e për t’u dëgjuar është ekspozita, që do të çelet sonte në orën 18:00 në “HangArt” në Kinostudio pranë Ministrisë së Kulturës.

2. KONCERT RECITAL VIOLINISTIK DHE TINGUJ PIANOJE NË TKOB

Një koncert i violinistit Juri Dajani me pjesëmarrjen në piano të Rudina Cikos dhe Erbli Zades do të mbahet mbrëmjen e nesërme, në 27 maj në orën 19:00 në Teatrin Kombëtar të Operas dhe Baletit.

3. 80-VJETORI I SHPËTIM KUSHTËS, KONCERT KLASIK NË VLORË

Nesër në orën 19:00 në Teatrin “Petro Marko” në Vlorë do të vijë një koncert nga violonçelisti Pjetër Guralumi dhe pianistja Laura Lila me muzikë nga Franz Schubert, Shpëtim Kushta dhe Dmitri Shostakovich. Koncerti do të sjellë një sërë veprash, mes të cilave “Këmbanat e heshtjes”, si një urim për 80-vjetorin e lindjes kompozitorit Shpëtim Kushta në qytetin e tij.

4. “SIMFONIA 5 JO 9”, NJË KOMEDI ME OLTA DAKUN NË TIRANË

“Simfonia 5 jo 9” është komedia me Olta Dakun, që do të shfaqet edhe sonte te Teatri Kombëtar pranë ArTurbinës në Tiranë, sonte, në orën 20:00.

5. “KLINIKA E BUKURISË”, SHFAQJE NË TEATRIN “BYLIS” NË FIER

“Klinika e bukurisë” është shfaqja me autor Eric Tessier dhe regji nga Andia Xhunga, që do të shfaqet në teatrin “Bylis” në Fier nga 26-28 maj në orën 19:00. Interpretojnë aktorë, si: Niada Saliasi, Amos Zaharia, Julian Deda, Gentian Zenelaj etj.

6. NDARJA E ÇMIMEVE “TEA”, MBRËMJE GALA TE PALLATI I BRIGADAVE

Mbrëmjen e sotme në orën 19:30 në ambientet e Pallatit të Brigadave në Tiranë do të mbahet mbrëmja gala me rastin e ndarjes së çmimeve “Tea Awards”, edicioni i parë. Ky event organizohet për të celebruar arritjet e Platformës Kombëtare të Turizmit, si dhe për të vlerësuar kontributin në promovimin e Shqipërisë turistike.

7. “TIRANA GUITAR TRIO”, KONCERT TE QENDRA E ARTIT “AGIMI”

“Tirana Guitar Trio” është koncerti, që do të mbahet te Qendra e Artit “Agimi” në Tiranë, sot, më 26 maj në orën 19:00.

8. “GOMERËT E TROJEVE”, SHFAQJA E BEJKOS NË TEATRIN “MIGJENI”

“Gomerët e trojeve” është shfaqja teatrore me autor dhe regjisor Gent Bejkon, që do të vendoset në teatrin “Migjeni” në Shkodër sot e nesër, në 26 e në 27 maj në orën 20:00.