Në pikëpyetje ndryshimet kushtetuese, tërhiqet një nga firmëtarët

Vihet në pikëpyetje nisma për ndryshimet kushtetuese. Një prej 28 nismëtarëve, deputeti Selami Jenisheri ka tërhequr firmën e tij, duke e zbritur në 27 numrin e deputetëve, ndërkohe që ligji kërkon 28 firma për ndryshimet në Kushtetutë. Jenisheri e arsyetoi tërheqjen e firmës me faktin se kreu i grupit demokrat Myslim Murrizi nuk u mandatua që në mbledhjen e këshillit politik një ditë më parë të negocionte me opozitën jashtë parlamentare, por vetëm me mazhorancën.