Në pranga 26 drejtues mjetesh, për shkelje të rregullave të qarkullimit

Gjatë javës së fundit, Policia Rrugore zbatoi masa të rrepta në ruajtjen e rendit dhe sigurisë rrugore.

Sipas të dhënave përgjatë javës janë kryer 26 arrestime dhe procedime penale, për drejtim mjeti nën ndikimin e alkoolit, drejtim pa leje drejtimi, për shkelje të rregullave të qarkullimit, apo dhe për korrupsion aktiv.

Autoritetet dhanë 12.402 masa administrative si dhe bllokuan 15 automjete.

/a.f/