Në qeli bashkë me foshnjën, lirohet nga burgu 34-vjeçarja

Gjykata e Tiranës urdhëron lirimin e menjëhershëm të 34-vjeçares, D. Sejdini që u dërgua disa ditë më parë në burgun e Pojskës me foshnjën e saj.

Vendimi u dha gjyqtari Edvan Veçani.

Pritet që pas këtij vendimi 34-vjeçarja së bashku me foshnjën të lenë ambientet e IEVP Pojskë.

Sejdini u arrestua pak ditë më parë pasi hyri në Shqipëri nga pika kufitare e Muriqanit, teksa kthehej me familjen nga Gjermania. Sipas autoriteteve, ndaj saj ishte në fuqi një vendim i formës së prerë, që e dënonte me 2 muaj burg për veprën penale të dhunës në familje ndaj vjehrrit të saj.