Nënshkruhet Protokolli i Binjakëzimit ndërmjet qyteteve të Beratit dhe Manisës në Turqi.

Ceremoni e veçantë në Manisa rezervuar  qytetit  tw Beratit- Pasuri e UNESCO-s .

Në datën 22 Prill 2016 në Bashkinë e Manisës në Turqi, u nënshkrua Protokolli i Binjakëzimit ndërmjet qyteteve të Beratit dhe Manisës. Protokolli u nënshkrua nga Kryetarët e Bashkive respektive, Z. Petrit Sinaj dhe Z. Cengiz Ergün  dhe synon bashkëpunimin për projekte të përbashkëta në disa fusha si: ruajtja e trashëgimisë kulturore dhe historike, nxitja e projekteve për të rinjtë, trajnime të stafeve, bashkëpunim ekonomik dhe projekte në fushën sociale.

Gjatë vizitës zyrtare në Manisa, Delegacioni i Bashkisë Berat kreu disa takime me Prefektin e Manisës Z.Erdoğan Bektaş dhe Kryetarin e Bashkisë Şehzadeler , ecila është pjesë e Rajonit Manisa, Z. Ömer Faruk Çelik. Në takime , pati një vlerësim të vecante për vlerat që përfaqëson qyteti I Beratit dhe u shpreh interesi i përbashkët për të nxitur projekte konkrete për komunitetet e dy qyteteve.

Protokolli i Bashkëpunimit ndërmjet qyteteve u iniciua nga Ambasada e Republikës së Shqipërisë në Turqi .

Manisa është një qytet i madh në rajonin e Egjeut të Turqisë dhe selia administrative e Provincës Manisa.

Manisa moderne është një qendër e zhvilluar e industrisë dhe të shërbimeve, duke patur avantazh afërsinë e saj me qytetin port ndërkombëtar të Izmirit dhe nga rrethinat e saj pjellore të pasura në sasi dhe shumëllojshmëri të prodhimit bujqësor.

Në 2004/2005 Manisa u zgjodh në mesin e 200 garuesve ndër  qytetet Evropiane me kosto më efektive, sipas revistës FDI, ecila përcakton Qytetet dhe Rajonet Evropiane të së Ardhmes .  Qeratë e saj  industriale jashtëzakonisht të ulëta dhe kostoja konkurruese e punës,  janë vënë  veçanërisht në dukje.

Në vitin 2007, Manisa u emërua ndër 89 qytete Evropiane si fitues për kategorinë për potencialet më të mira  ekonomike në Evropën Juglindore  .

Manisa ka të regjistruar afërsisht 200 milion dollarë amerikanë në investimet e huaja direkte në vitin 2004 dhe në biznese të njohura të tilla si mallrat italiane e kompanisë Indesit, mallra elektrike të kompanisë  Bosch, dhe kompani paketimi Rexam dhe Imperial Tobacco të Britanisë së Madhe  të cilat kanë investuar në Manisa.
Manisa dhe disa nga qendrat e veta në varësi të rretheve kanë arritur në mënyrë solide një bazë të rëndësishme industriale të prodhimit në dekadat e fundit, në shkallë të gjerë të përpunimit bujqësor dhe aktivitetet e lidhura me të (prodhimin e miellit dhe vajit të  ullirit, tekstile, artikuj lëkure, mjetet dhe makineritë bujqësore , kultivimin e pambukut etj).