Nesër çelet zyrtarisht fushata e partive. Rama: Më shumë se 77 mandate! Berisha: Nuk jam ”profet”

Nesër (11 prill) partitë politike çelin zyrtarisht fushatën për zgjedhjet e përgjithshme. Partia Demokratike dhe koalicioni Aleanca për Shqipërinë Madhështore do të çelë e para fushatën. Në sheshin “Nënë Tereza” po punohet për ndërtimin e skenës së mitingut hapës.

Berisha nuk premtoi surpriza të mëdha. Partia Socialiste fushatën e hap zyrtarisht më 12 prill në orën 12, simbolikë që lidhet me 12 yjet në flamurin e BE, destinacion që socialistët e kanë premtim kryesor. E premtja e datës 11, teksa PD përgatitet për mitingun hapës, PS do ta gjejë në terren në takime masive në 12 qarqet e vendit me gratë.

Dy kundërshtarët politikë kanë parashikimet e tyre mbi rezultatin.

”Mund të jenë edhe më shumë se 77 deputetë”, u shpreh Rama.

”Nuk jam profet, por ju e shihni entuziazmin”, u përgjigj Berisha.