Nga sot ka nisur java më e nxehtë e verës

Ditën e sotme ka filluar zyrtarisht java më e nxehtë e verës, kështu që bëhuni gati për temperatura përvëluse dhe një mot të nxehtë që do të pushtojë të gjithë rajonin.

Ditë pas dite, sipas parashikuesve, do të intensifikohet edhe i nxehti gjatë natës, me vlera që në agim nuk do të arrijnë të zbresin nën 25 gradë.

Era nuk do të mungojë, pasi do të vijë nga veriu i Ballkanit, pavarësisht se do të jetë e dobët dhe në përgjithësi temperaturat do të shkojnë jo më shumë se 35 gradë në rajone të ndryshme.

Italia do të jetë më e nxehtë, me temperaturat që pritet të shkojnë deri afër 40 gradë në disa rajone të caktuara.

I nxehti në fakt është bërë tani i prekshëm në të gjithë kontinentin evropian, pavarësisht kontrasteve të verifikuara.

Shkencëtarët kanë drejtuar gishtin tek ndryshimet klimaterike, që sipas tyre, janë fajtore për motin ekstrem.