Ngjela për kr*min në Peqin: Ngjarja shumë e rëndë, Manja duhet të japë dorëheqjen

Vrasjen e të dënuarit Arben Lleshit nga i dënuari tjetër Sokol Mjacaj në burgun e Peqinit, avokati Spartak Ngjela e quan si ngjarje është shumë të rëndë dhe që mbart shumë pikëpyetje. Për të shteti është i detyruar maksimalisht t’i garantojë ekzistencën çdo të burgosuri.

“Sipas rregullit të ligjeve penitenciare në perëndim pushohet gjithë ekipi i policisë. Ministri nuk mban përgjegjësi, por duhet të kishte dhënë dorëheqjen. Vrasja e një të burgosuri është përgjegjësi e rreptë shtetërore, sepse nuk dihet kush e ka vrarë.

E kanë vrarë shërbimet? Pra shteti vetë përmes një skeme të brendshme? Nuk dimë se, cili është personaliteti i atij që është vrarë. Ka ditur gjëra sekrete në lidhje me akuzën që ka?”, u shpreh Ngjela në TCH.