Ngrica në mbarë vendin deri në fillim të janarit

Dhjetori do të ikë me temperatura nën zero. Meteorologët dhe shërbimet sinoptike parashikojnë ngrica në mbarë vendin. Në Tiranë nata më e ftohtë do të jetë ajo e 1 janarit. Termometri parashikohet të shkojë në -8 gradë celcius. Në kryeqytet nuk do të ketë dëborë natën e ndërrimit të viteve, por vetëm ngrica. Temperatura të ulëta do të ketë në të gjitha qytetet. Në veri parashikohet që temperaturat të arrijnë në -14 gradë. Do të ketë edhe rreshje të dendura dëbore e ngrica që mund të shkaktojnë probleme në qarkullimin e automjeteve. E njëjta situatë mendohet se do të jetë edhe në juglindje.

Moti i keq do të përfshijë këtë javë të gjithë rajonin. Temperaturat do të jenë të ulëta nga 29 dhjetori deri më 3 janar. Rreshje të dendura dëbore pritet të ketë në Kosovë, Maqedoni dhe në Mal të Zi.