Sekretari i Përgjithshëm i PD, Flamur Noka, ka mohuar ekzistencën oligarkëve në Shqipëri, duke deklaruar se në vend ekziston vetëm një “kryeoligark”, Edi Rama. Gjatë debatit me gazetarin Nikoll Lesi në “KOHA JONE-DEBAT”, Noka u pyet nëse Shqipëria ka oligarkë.
Pjesë nga debati në studion e KOHA JONE-DEBAT:
Lesi: Flamur do të pyes: Në Shqipëri a ka oligarkë? Më thuaj emrat…
Noka: Jo, ka vetëm një oligark dhe kryeoligark quhet Edi Rama.
Lesi: A ka oligarkë?
Noka: Jo, për mua jo. Ka biznesmenë të lidhur me pushtetin, por oligarkë nuk ekziston. Oligarkë do të thotë njerëz që janë lidhur me interesat dhe kanë ndikojnë tek qeveria.
Lesi: Pse thuhet se oligarkët i krijoi Berisha dhe i përdori Rama?
Noka: Jo, është e pavërtetë. Shqipëria ka një oligark dhe kryeoligark e ky quhet Edi Rama.
Lesi: A janë oligarkë këto emra? Zamir Mane?
Noka: Jo.
Lesi: Shefqet Kastrati,
Noka: Jo.
Lesi: Bashkim Ujaj?
Noka: Jo.
Lesi: Ram Gecaj?
Noka: Jo.
Lesi: Tom Doshi?
Noka: Jo.
Lesi: Geront Çela?
Noka: Jo.
Lesi: Gim Zeqo ose Gimi i Red Bullit i themi ne.
Noka: Jo.
Lesi: Pëllumb Salillari?
Noka: Jo
Lesi: Rrok Gjoka.
Noka: Jo.
Lesi: Klodian Allajbeu.
Noka: Jo. Por aty mes tyre ke biznesmen të korruptuar.
Lesi: Gjergj Luca, Artan Dulaku? Asnjëri nuk është? Kush është oligark këtu?
Noka: Edi Rama, vetëm ai ka fuqinë. Të tjerët janë të gjithë instrumenta….
Lesi: Si instrumenta?
Noka: Po ta them unë.
Lesi: A janë biznesmen apo janë oligarkë?
Noka: Këta janë biznesmen që Rama siç përdor këta përdor çdo kënd, përveç Partisë Demokratike, çdo kënd e përdor si instrument sa herë t’i dojë. Edi Rama. Pra fshiheni termin oligark. Kujtoni ju se paska kush fuqi prej këtyre të ndërmarrë vendime në zyrën e Ramës? Ore harrojeni, te zyra e Ramës merr vendim vetëm Gysi, kartelet dhe Sorusi. Kush tjetër? Të gjithë të tjerët i konsideron miza Edi Rama. Ka biznesmen të korruptuar, ka biznesmen të inkriminuar, por termi oligark është përrallë në Shqipëri.