Nikolla në Kosovë: Institucionalizojmë në Tiranë tryezën e kryetarëve të Komisioneve Parlamentare

Takimet e para si Kryetarja e Kuvendit të Shqipërisë, Lindita Nikolla i ka bërë në Kosovë. Në takimin që pati sot me homologun Glauk Konjufca, Nikolla thekson se do të institucionalizojnë në Tiranë tryezën e kryetarëve të Komisioneve Parlamentare.

”Me Kryeparlamentarin Glauk Konjufca në një takim vëllazëror. Vullneti dhe gadishmëria e përbashkët formësohet në një kornizë konkrete bashkëpunimi midis dy parlamenteve tona. Së shpejti institucionalizojmë në Tiranë tryezën e kryetarëve të komisioneve parlamentare”,-shkruan në facebook Nikolla.