Nis dhe në qytet, pamje nga flokët e parë të borës në Korçë

Ashtu siç pritej pas uljes së temperaturave, bora ka nisur edhe në qytetin e Korçës.

Teksa në Dardhë, trashësia arriti në 40 cm, këto ishin flokët e para të dëborës brenda në qytet që duket se po zbardhin rrugët

Gazetarja Lorena Kodra ka siguruar disa pamje për BalkanWeb.

Për shkak të reshjeve të dendura të dëborës në Qarkun e Korçës, Autoriteti Rrugor Shqiptar (ARRSH) dhe Policia Rrugore u bëjnë thirrje drejtuesve të mjeteve të tregojnë kujdes maksimal ndërsa udhetojnë në akset Korçë-Voskopojë, Korçë-Dardhë dhe Korçë-Kapshticë.

Kompanitë e mirëmbajtjes kanë ndërhyrë dhe vazhdojnë punën për kriposjen dhe mbajtjen e rrugës të hapur. Aktualisht nuk ka probleme me kalueshmerinë e mjeteve por ato duhet të qarkullojnë me zinxhirë.