Media Milenio raporton se një ndërtesë katërkatëshe pa emër në zonën rezidenciale Chepevera të Monterrey ka tërhequr vëmendjen për lidhjet e saj të mundshme me kompaninë e sanksionuar nga SHBA, Hysa Forwarders SA de CV, e dyshuar për pastrim parash dhe lidhje me Kartelin e Sinaloas dhe mafian shqiptare.
Objekti ndodhet mes rezidencave, zyrave dhe klinikave, por gjatë vizitave në terren nuk është vërejtur asnjë aktivitet apo shenja që të tregojë funksionimin e kompanisë, raporton Milenio.
Hetimet tregojnë se faqja zyrtare e Hysa Forwarders është çaktivizuar, numrat e telefonit të regjistruar nuk funksionojnë, ndërsa ndërtesa mbetet e paidentifikuar dhe me dyer të mbyllura. Operacioni i OFAC dhe FinCEN, që çmontoi rrjetin kriminal dhe bizneset e tij në Meksikë dhe Europë, e ka vendosur këtë objekt si një nga pikat më enigmatike të hetimeve, duke ngritur dyshime për përfshirjen e tij në aktivitetet e pastrimit të parave dhe krimit të organizuar, shkruan Milenio.
ARTIKULLI I PLOTË:
Një ndërtesë pa emër, katër katëshe, e vendosur në zonën rezidenciale të kolonisë Chepevera në Monterrey, është bërë objekt vëmendjeje për shkak të lidhjeve të saj të mundshme me një kompani të sanksionuar nga qeveria e Shteteve të Bashkuara për pastrim parash dhe për lidhje me Kartelin e Sinaloas dhe mafian shqiptare.
Mes rezidencave, zyrave, klinikave shëndetësore dhe disa studiove ligjore ndodhet objekti, në regjistrat e të cilit në internet figuron kompania Hysa Forwarders SA de CV, njëra ndër 22 bizneset e goditura nga Departamenti i Thesarit të SHBA-së.
Sipas disa faqeve të ndryshme online, kompania Hysa Forwarders ka qenë, ose pretendohej të ishte, e vendosur në rrugën Daniel Zambrano, midis avenidave Simón Bolívar dhe Pablo A. González (e njohur nga vendasit si Fleteros).
Megjithatë, kërkime të avancuara tregojnë adresën Daniel Zambrano 516, e raportuar në platforma si whatjobs.com, LinkedIn dhe në llogarinë e tyre në Facebook.
Një ekip i platformës MILENIO–Multimedios vizitoi adresën për të verifikuar informacionet, por nuk u gjet asnjë logo apo emër i ndërtesës dhe as i kompanive që supozohet të funksiononin aty.
Ndërtesa qëndron e paidentifikuar, mes Simón Bolívar dhe Pablo González Garza.
Për më tepër, faqja zyrtare e Hysa Forwarders tashmë është fshirë ose çaktivizuar. Platforma e hostimit ëix.com shënon: ‘Duket se ky domain ende nuk është i lidhur me asnjë faqe web’. Edhe numri i telefonit i regjistruar në internet dhe në Facebook nuk funksionon më.
Më 13 nëntor, Zyra e Kontrollit të Aseteve të Huaja (OFAC) dhe Rrjeti i Hetimit të Krimeve Financiare (FinCEN), në bashkëpunim me qeverinë e Meksikës, njoftuan çmontimin e grupit kriminal Hysa dhe të disa bizneseve të lojërave të fatit në Meksikë, të përfshirë në pastrim parash të lidhur me kartelët dhe me aktivitete kriminale në Meksikë dhe Europë.
Ndër 22 kompanitë e sanksionuara, figuron edhe Hysa Forëarders, së bashku me 11 të tjera të regjistruara në Nuevo León.
Sipas të dhënave zyrtare, Hysa Forwarders u themelua më 10 qershor 2021, me numër regjistrimi 35583, fillimisht e deklaruar me aktivitet në tregtimin e veshjeve, këpucëve dhe artikujve prej lëkure në dyqane të specializuara. Pronarë rezultojnë Luftar dhe Arben Hysa.
Ndërtesa në Chepevera mbetet një nga pikat më enigmatike të hetimeve, me dyer të mbyllura dhe pa asnjë shenjë aktive të kompanisë së implikuar.