Nishani: Inceneratorët, grabitje më e dhunshme sesa e Rinasit

Kryetari i Këshillit Kombëtar të PD, njëherësh kryetar i komisionit të vlerësimit brenda PD, Bujar Nishani i ftuar në RTV ORA në Emisionin Arena nga Dritan Hila, tha se inceneratorët janë një grabitje më e dhunshme sesa ajo e Rinasit, e datës 9 prill 2019, ku u vodhën rreth 6 milionë euro.

Nishani: Po marrim një rast që duhet të ulërijmë të gjithë, rasti i fundit i skandalit të inceneratorëve. Nuk po i hyjmë problemit ambienti, mafia, e të tjera. Ka një tjetër fakt ulëritës, është një grabitje e dhunshme, më e dhunshme se grabitja që u krye në Rinas. Nuk po hyj të analizojë, po marr një fakt; Në një ditë krijohet firma, aplikon, pa konkurrentë, fiton, nënshkruan kontratën, konsumohen ankimimet, çohen paratë, brenda 24 orëve.