Nisin provimet kombëtare të klasave të nënta mbi 29 mijë nxënës testohen në gjuhën shqipe

Rreth 29 mijë nxënës të klasave të nënta nisin sot Provimet Kombëtare të Arsimit Bazë, me testimin e gjuhës shqipe.

Ministrja e Arsimit, Mirela Kumbaro, në një mesazh drejtuar nxënësve tha sot se “i kemi marrë të gjitha masat nëpër shkolla që ky proces të jetë i qetë, i rregullt, korrekt dhe të gjithë nxënësit të kenë mundësi të barabarta për të dhënë më të mirën nga vetja e të nisin plot sukses një cikël të ri në arsimimin e tyre

Klasat e nënta kanë provimin e parë në të tre provimet kombëtare të këtij cikli. Jeni rritur dhe do të përballoni edhe sfida të tjera në jetë, por sot duhet të jemi të gjithë me ju duke ju uruar me gjithë zemër suksese sepse jeni mbi 29.000 nxënës të klasave të nënta në të gjithë Shqipërinë që keni provimin e parë të një serie prej tre provimesh”, tha Kumbaro.