Një nga viktimat e Selitës, djali i ish-deputetit.Gëzim Luli: Djali im s’është vrarë për grabitje
Adnan Luli, 22-vjeçari që u vra mëngjesin e së mërkurës nga Flamur Ymeri, është ishdeputeti i PDsë, Gëzim Luli, që aktualisht punon si mësues.
Ai ka shprehur dyshimet rreth mënyrës së vrasjes së të birit dhe thotë i bindur se djali i tij nuk është vrarë për grabitje.
Kështu, për mediat ai ka pohuar se i biri ka dalë nga shtëpia pas mesnate dhe nuk është kthyer më.
Sipas tij, është e habitshme që vrasja të ketë ndodhur në 08:00 të mëngjesit, nëse do të bëhej fjalë për grabitje. Për më tepër, Gëzim Luli thotë se është e dyshimtë se si Flamur Ymeri ua ka hequr armët nga duart dhe nuk është mjaftuar duke i qëlluar në kokë, por edhe në trup.
Vrasja e dyfishtë e Selitës është e mbuluar me mistere të shumta. Flamur Ymeri pretendon se dy viktimat kishin shkuar ta grabisnin, ndaj dhe i ka vrarë.
Por, detajet e kësaj ngjarje kanë hedhur dyshime të forta se mund të mos bëhet fjalë për grabitje.
Zyrtarisht, policia për momentin nuk ka dhënë asnjë version për krimin.