”Një oligark do të krijojë një parti të re”, analisti Artur Zheji: Kam informacione

Analisti Artur Zheji, thotë se një oligark shumë i fuqishëm do futet në politikën shqiptare, duke krijuar një parti të re. Ai ka theksuar se do të jetë një konkurent i rrezikshëm dhe për këtë ka informacione.

Zheji: Mendoj që shumë shpejt. Kam informacion, ndonjë oligark që juve nuk ua merr mendja do krijojë një parti dhe do të jetë goxha konkurrent i rrezikshëm. Ka një problem, këta të rinjtë që thonë nuk ka financa, nuk ka infrastruktura, e fillojnë si një varfanjak.

Unë di të them këtë gjë, që përpara 2005 kishte të pasur, mbas 2005 u bën oligarkë. Ça dua të them me këtë?

Këta zotërinj që tani kanë një superfuqi ekonomike, eksperience, ka një moment që thonë pse duhet t’i paguaj taksat këtyre unë? Pse nuk mund të jem unë kryeministri? Pse nuk mund të jem unë Berluskoni? Si kryeministër që vij nga biznesi. Ky njeri që mendoj unë, është duke pritur disa fate.