Një 52-vjeçar me inicialet M. T. ka ndërruar jetë në Maliq.
Sipas burimeve pranë policisë viktima ishte endacak dhe dyshohet se shkak për vdekjen e tij është i ftohti.
Viktima është gjetur nga një i afërm i tij, ndërsa në trup nuk janë konstatuar shenja dhune. Ndërkohë, njerëzit që e njihnin viktimën, kanë thënë se ai ishte përdorues i lëndëve alkoolike.
Mësohet se 52-vjeçari ishte i vetmuar dhe flinte në zonën ku është gjetur i pajetë, ndërsa dyshohet se ka ndërruar jetë nga i ftohti.
Në këtë mënyrë është regjistruar dhe viktima e parë nga i ftohti në vend.