Një tjetër grua vritet po në Kamëz, 31-vjeçarja dyshohet se u ekzekutua për motive hakmarrje

Sërish në Kamëz vritet një grua. 31-vjeçarja që ka mbetur e vrarë në rrugën “Besëlidhja”, është Etleva Kurti.

Dyshimet paraprake janë se ngjarja ka ndodhur për motive hakmarrjeje. Etleva Kurti është motra e Vladimir Kurtit, person i dënuar me burgim të përjetshëm në vitin 2022 për vrasjen në Kamëz, në vitin 2018, të shitësit të një marketi, Agim Buçi dhe plagosjen e gruas së tij.

Vrasjen e kreu në bashkëpunim me Ruzhdi Hoxhën, në përpjekje për t’i grabitur xhiron ditore në 25 prill 2018. Krimi ndodhi para syve të fëmijës së mitur të çiftit.