Një tjetër humbje për humorin, ndërron jetë aktori shkodran

Një tjetër humbje për humorin. Ka ndërruar jetë në moshën 54-vjeçare humoristi i njohur shkodran, Anton Krosaj. Ai vuante prej kohësh nga një sëmundje e rëndë. Krosaj ishte pjesë e estradës së teatrit “Migjeni”, ndërsa numëron mjaft role në komedi dhe skeçe.

U lind më 26 janar 1966 në Shkodër dhe nisi si aktor me Fabrikën e Duhan-Cigareve, Shkodër. Gjatë kësaj kohe mori pjese ne shumë shfaqe dhe luajti shumë role ne shfaqet e Fabrikës Duhan-Cigare. Më pas nisi si aktor me Estradën Profesioniste Shkodër në 2003.

Në vitin 1985 mbaroi Shkollën e Mesme Industriale. Ka marre pjesë në disa komedi të RTSH-së me regji të Arjan Culiqit. Disa nga to janë ‘Para nga qielli’, ‘Piruet’, ”Pesha e gruas sime”, ‘Pavioni zero’, ‘Personazhe ne kurth’, etj.

Me estradën profesioniste ka luajtur ne komeditë:

O vajzën o komunën
Vëllai nga babai
Surpriza
Big Brother Shkodra 1
Big Brother Shkodra 2
Martesë me Intenet
Zef Deda Show 3
Bujar Qamili Show 2
Lumturi në Fukarallek
Je Shkodran në qoftë se
Humor me shkolle te mesme etj
Ka vene në skenë 3 shfaqe për fëmijë;
Gëzuar 2015
Gëzuar 2016
Pranverë për fëmijë