Një vend i BE-së kërkon kthimin e dënimit me vdekje

"Çështja e dënimit me vdekje duhet të rikthehet në rendin e ditës”.

Duket e pabesueshme, por ja që kështu është shprehur kreu i një qeverie anëtare të BE-së, ku dënimi me vdekje ndalohet rreptësisht nga çdo traktat në secilin prej 28 vendeve anëtare të BE-së.

Dhe nuk është e vështirë ta gjesh se për kë po flasim: është kryeministri nacionalpopulist hungarez Viktor Orban.