Prej dy ditësh në media janë publikuar denoncime nga ana e pedagogëve, të cilët ende nuk kanë marrë pagën e muajit Dhjetor, ndërkohë që të njëjtin fat kanë pasur dhe mësues në disa qytete të vendit.
Nga Ministria e Arsimit nuk ka pasur asnjë reagim për këtë ngjarje, ndërsa pedagou Ervin Goci ka zgjedhur që të bëjë një postim mjaft ironik në rrjetet sociale, ku ‘’kërkon’ lekë borxh, derisa të marrë rrogën.
“Kush ka noj lek borxh sa t’më kalojnë rrogën?”, shkruan Goci, në një postim që ka marrë dhjetra reagime nga ndjekësit, ku komentet bëjnë përgjegjëse qeverinë shqiptare.
Gjendja e arsimit të Shqipëri përballet vazhdimisht me problematika të shumta, e kjo e vonesës së pagave, padyshim që cënon rëndë edhe statusin e pavarur të pedagogëve.
Jo më larg se dje edhe pedagogu i Fakultetit të Ekonomisë Rezart Prifti denoncoi mosmarrjen e pagave, ndërsa shtoi se ky është një fenomen që përsëritet çdo Janar.