OMONIA flet për terror!

Ndërsa një pjesë e politikët greke është racionale në qëndrimet që ka mbajtur lidhur me vdekjen e Kostandnos Kacifas, organizata e minoritetit grek në Shqipëri, e njohur me emrin OMONIA, me qëndrimet e saj përdor thuajse të njëjtën gjuhë me partinë Agimi i Artë.

Në deklaratat që OMONIA shpërndan në mënyrë periodike në gjuhën greke, pas ngjarjes në Bularat, flet për një klimë terrori dhe dhunë të shtetit shqiptar ndaj minoritetit grek.

Në deklaratën e sotme, Këshilli i Përgjithshëm i OMONI, mbledhur në Greqi, akuzon kryeministrin Edi Rama si ekstremist dhe flet për presion ndaj qytetarëve minoritarë.

Ata kërkojnë që në negociatat mes Shqipërisë dhe Greqisë të diskutohet statusi i tyre dhe tu garantohet siguria fizike!

Pretendimet për kërcënime dhe klimë terrori janë jo vetëm të pasakta, por edhe dashakeqe. E vetmja ngjarje me natyre terrori që ka ndodhur këto vite në zonat e minoritetit është ajo e Kostandino Kacias, i cili qëlloi me armë dhe rrezikoi vet jetën e komunitetit grek. Paraqitja e zhvillimeve në një këndvështrim të tillë aspak realist nga shoqatat duket se ndikon dhe në perceptimin që opinionin grek ka për Shqipërinë dhe respektimin që i bëhet minoritetit në Shqipëri.