”Open Balkan”, Margariti flet për marrëveshjet e reja: Takimi i radhës në qershor në Ohër

Në muaj qershor, në Ohër do të mbahet takimi mes vendeve që janë pjesë e nismës ”Open Balkan”. Ministrja e Kulturës, Elva Margariti, thotë se do të nënshkruajnë një marrëveshje për bashkëpunim në kinematografi, si edhe për shkëmbimin e artistëve.

“Ne kemi folur me disa shtete dhe në këtë rast për të krijuar marrëveshje bashkëpunimi për shkëmbimin e artistëve nga të gjitha vendet partnere, siç flasim për bashkëprodhimin kinomatografik që do shtrihet në ”Open Balkan”.

Një punë që kemi nisur prej disa muajsh për shkëmbimin e kapitalit njerëzor. Draft marrëveshje pothuajse e dakordësuar do jemi në Ohër të tre ministrat për ta nënshkruar”.