Operacion antidrogë në Mat, 14 persona të arrestuar. Grupi prej 2 vitesh ka qenë në përgjime

Policia e Shtetit, bën me dije se 14 persona kanë përfunduar në komiariatin e Policisë së Matit dhe një tjetër është shpallur në kërkim pasi akuzohen për trafik të lëndëve narkotike.

Ky grup ka qenë nën monitorim e në përgjim prej dy vitesh nga Prokuroria e Matit. Ende nuk janë zbardhur emrat e personave të prangosur apo të të shpallurit në kërkim.

Nuk dihen detaje në lidhje me sasinë e drogës që mund të ketë trafikuar ky grup, destinacionet apo itinerarin që mund të kenë ndjekur në lidhje me trafikun e lëndës narkotike.