Opozita dorëzon zyrtarisht kërkesën për shkarkimin e Lindita Nikollës

Grupi Parlamentar i Partisë Demokratike ka dorëzuar zyrtarisht në Kuvend shkresën të shoqëruar me 28 firma për nisjen e procedurës së shkarkimit të kryeparlamentares Lindita Nikollës. Shkresa i drejtohet Këshillit të Legjislacionit në Kuvend. PD nuk i ka bërë me dije zyrtarisht emrat e 28 deputetëve që kanë firmosur kërkesën.

Pas kaosit të krijuar në Kuvend ditën e enjte, Lindita Nikolla e mbylli seancën pa diskutime, vetëm kaloi në votim projektligjet, të cilat u miratuan vetëm me votat e maxhorancës.

Po ashtu kryeparlamentarja Nikolla përjashtoi Sali Berishën, por ky i fundit nuk e liroi foltoren dhe për këtë arsye mori edhe vendimin për të mbyllur seancën.