Padia ndaj Dvoranit, Presidenti Meta në Prokurorinë e Tiranës

Presidenti i Shqipërisë, Ilir Meta, do të paraqitet sot në orën 12:00 tek Prokuroria e Tiranës, pas padisë ndaj kreut të KED, Ardian Dvoranit. Presidenca e depozitoi pa shumë zhurmë dosjen për Ardian Dvoranin të cilin Kreu i Shtetit e akuzon për shkelje të rëndë të detyrës dhe uzurpim të kompetencave në emërimin e anëtarëve të Gjykatës Kushtetuese duke kërkuar dënimin nga 2 deri në 7 vite burg. Misteri nga ana e Presidencës u ruajt jo vetëm për përmbajtjen e padisë, por edhe për videon përvëluese të paralajmëruar si provë e pakundërshtueshme, e cila sipas zëdhënësit të Presidentit do zbulojë fytyrën e vërtetë të kreut të KED.