Pagat në universitete, Kushi: Do të rriten edhe ato për personelin administrativ

Ministrja e Arsimit, Evis Kushi këtë të premte zhvilloi një takim me administratorë dhe përfaqësues të bordeve të universiteteve mbi rritjen e pagave për personelin administrativ të universiteteve.

Ky hap vjen pas rritjes së pagave të stafit akademik të universiteteve, në shtator 15% dhe që prej prillit 30%.

Po ashtu ministrja tha se bordet tashmë kanë nisur të marrin vendimet për rishikimin dhe përshtatjen e nivelit të pagave, duke premtuar mbështetje për universitetet që nga procesi i mësimdhënies, kërkimi shkencor, infrastruktura, vlerësimi dhe motivimi i burimeve njerëzore.