Pak minuta shi, raportohet për përmbytje në disa zona të Lezhës

Pak minuta reshje shiu me intensitet të lartë, dhe disa zona në qytetin e Lezhës janë përmbytur.

Fjala është për blloqet e banimit 11 janari dhe 11.2 hektarë në lagjen “Besëlidhja”, ku uji ka vërshuar në rrugë duke krijuar vështirësi në lëvizjen e këmbësorëve dhe automjeteve, ndërsa janë bllokuar dhe hyrjet e disa pallateve pasi niveli ujit ka arritur deri në 30 centimetër.

Në terren ndodhen punonjësit e shërbimeve publike të bashkisë, të cilët po ndërhyjnë në largimin e inerteve nga pusetat me qëllim evadimin e shpejtë të ujërave.