Paloka para policisë së Tiranës: Mos zbatoni urdhërat politikë të Ramës

Kreu i Grupit Parlamentar të PD-së Edi Paloka i bën thirrje forcave të policisë por dhe vetë drejtuesit të mos u binden urdhrave politikë të kryeministrit pasi do të mbajnë përgjegjësi.

Në një prononcim para Drejtorisë së policisë së Tiranës, paraditen e sotme Paloka tha se PD mbështeste të gjithë këta persona që ndodhen në “qelitë e Ramës sepse kërkojnë të drejtat e tyre” . Gjithashtu ai i bëri thirrje qytetarëve të reagojnë.

Edi Paloka: “Jemi këtu për t’i dhënë mbështetje të gjithë atyre që ndodhen në birucat e policisë së Ramës, sepse kërkojnë të drejtat e tyre. Në këto biruca gjenden të mbyllur qytetarë që u kanë kërkuar të mos u gjobisë. I bëjmë thirrje policëve të mos u binden urdhrave politikë, sepse të gjithë do të mbajnë përgjegjësi personale. Askush nuk do të justifikohet nga më i fundit tek kreu i policisë.

I bëjmë thirrje qytetarëve të mos presin që dhuna të shkojë te dera e shtëpisë, por të reagojë të mos lejojnë që shteti të merret nga banditët duke nisur nga Rama që nuk di gjë tjetër vec burgut dhe dhunës.”