Pamje drithëruese nga ambientet e Spitalit Infektiv, mjekët të sfilitur pas 130 ditësh betejë

Pamje drithëruese vijnë nga Spitali Infektiv. Ndërkohë që qytetarët i çdo ditë e më shumë i kthehen jetës normale duke neglizhuar respektimin e masave për parandalimin e koronavirusit në ambientet e Infektivit vazhdojnë betejën për jetën dhjetëra qytetarë.

Ministrja e Shëndetësisë ka publikuar disa pamje nga ambientet e brendshme të tij duke bërë sërish apel që puna e heronjve që punojnë në këto pavijone të mbështetet me përgjegjshmëri.

“Prej më shumë se 130 ditësh, mjekët dhe infermierët janë në vijën e parë të përballjes me armikun e padukshëm, që po merr jetë, çdo ditë!

Këta heronj në spitalin infektiv kanë edhe momentet e lodhjes e stërmundimit në këtë luftë të gjatë. Ndaj, sakrifica e tyre sublime ka nevojë të mbështetet nga veprimet e përgjegjshme të çdo qytetari.

Vendose maskën. Të mbrojmë veten dhe njerëzit tanë të dashur! Të mposhtim së bashku, me kujdes çdo ditë”, shkruan Manastirliu krah videos.