Panairi i Librit, gazetari Ilir Ikonomi: Në Shqipëri çmimet e librave janë shumë shtrenjtë

Panairi i Librit çeli dyer në edicionin e tij të 26-të. Gazetari dhe shkrimtari i njohur Ilir Ikonomi, i cili në panair vjen me librin “Apostulli”, i pari nga tre vëllimet kushtuar biografisë së Fan Nolit, tha se një fenomen që vëren në Shqipëri, është se çmimet e librave janë shumë të shtrenjtë. “Në Shqipëri libri është shumë i shtrenjtë në krahasim me rrogat. Në SHBA e blej maksimumi një libër të mirë 20 dollarë, ndërsa këtu një libër i zakonshëm kushton kaq. Këtu ka diçka që nuk shkon, dhe besoj se lexuesit i tremben kësaj”, tha Ikonomi.