Panik te “Myslim Shyri”, qytetari hidhet nga kati i tretë i pallatit

Tërmeti i pasdites me magnitudë 5.3 të shkallës Rihter dhe që zgjati disa sekonda ka shkaktuar panik të madh te qytetarët, të cilët janë të tmerruar që prej mëngjesit të djeshëm me lëkundjen më të fortë të dekadave të fundit me magnitudë 6.4. Një qytetar në zonën e “Myslim Shyrit”, në Tiranë, është hedhur nga kati i tretë i një pallati, ndërsa nuk dihet nëse shkak ka qenë tërmeti apo ngjarja ka ndodhur për ndonjë arsye tjetër. Sipas “JOQ”, në rrugë janë mbledhur shumë njerëz dhe policia për t’i dhënë ndihmë qytetarit. Mësohet se ai është transportuar me urgjencë drejt spitalit të Tiranës, ndërsa gjendja e tij është e rëndë.