Parandalohet një vrasje në Elbasan
Aktualitet E Hënë, 12 Prill 2021 11:56
Parditen e sotme nga policia e Elbasanit është bërë i mundur parandalimi i një vrasjeje.
Efektivët blu pas një sherri banal mes dy personave kanë arrestuar në flagrancë shtetasin Mithat Selim Ballhysa nga Elbasani.
Arrestimi i tij u bë pasi kërcënoi me armë shtetasin me të cilin u përfshi në konflikt, Artenis Shkurti.
Në momentin e arrestimit, Ballhysës iu sekuestrua arma e zjarrit, pistoletë e tipit TT në cilësinë e provës materiale.