Parashikimi i motit, nesër stuhi dhe rrebeshe shiu në gjithë vendin

Shërbimi Meteorologjik Ushtarak (SHMU) paralajmëron se gjatë ditën e nesërme, e shtunë, parashikohen reshje të mëdha shiu në pjesën më të madhe të territorit të vendit.

“Vendi do të ndikohet nga kalimi i një sistemi frontal. Reshje shiu që në orët e para të 24 orëshit dhe deri në mesditë me intensitet të lartë në gjithë vendin. Më e rënduar do të jetë situata në veri dhe veriperëndim, aty ky pritet sasi më e lartë e reshjeve të shiut”,- thuhet në njoftimin e SHMU.

Shërbimi Meteorologjik Ushtarak thotë se në disa zona do të ketë rrebeshe shiu dhe breshëri.

Rreshjet më masive parashikohen Shkodër, Lezhë, Durrës. Era do të fryejë në drejtim jugor ndërsa forca e valëzimit në det do të jetë 4-6 ballë.